समुदायिक तहमा उपलप्ध पूँजीलाई बचतको माध्यमबाट एकिकृत गरी उक्त पूँजीको परिचालनबाट संस्थामा संलग्न सदस्यहरुको आर्थिक, सामाजिक तथा शैक्षिक स्तरलाई माथि उठाउँदै दिगो र सफल भविश्यको लागि आत्मनिर्भरता बनाउने अभिप्रायले वि.सं. २०६५ मंसिर २३ गते तत्कालिन सहकारी प्रशिक्षण तथा डिभिजन कार्यालय कास्कीमा विधिबतरुपमा दर्ता गरी दूध पोखरी बचत तथा ऋण सहकारी संस्थाको स्थापना गरिएको हो । स्थानीय व्यक्तिहरुको स्वऐच्छिक सहभागिताबाट उनीहरुको समान आर्थिक, सामाजिक, शैक्षिक र साँस्कृतिक आवश्यकताहरु परिपुर्ति गर्नको लागि सामूहिक स्वामित्व र प्रजातान्त्रिक ढंगबाट नियन्त्रित स्वायत्त संस्था नै सहकारी हो । मानव सभ्यताको प्रारम्भिक कालदेखि नै सामुहिक सहकार्यको विकास हुँदै आएको तथ्य सबैलाई थाहा नै छ । एक जना व्यतिmको प्रयासले मात्र हाम्रा आवश्यकताहरु पुर्ति गर्न सम्भव छैैन । त्यसका लागि सामूहिक सोच, प्रयास, छलफल, सहकार्य र नेतृत्वको खाँचो पर्दछ । म होइन हामी, मेरो होइन हाम्रो, एक जनाको लागि होइन सबैंका लागि भन्ने मन्त्र र भावनाबाट अभिप्रेरित भई सदस्यहरुको वित्तीय तथा गैह–वित्तीय आवश्यकताहरु पुरा गरी समृद्ध समाज निर्माणको लागि धन श्रृजना गरी सदस्यहरुको आर्थिक स्थिति फराकिलो बनाउने काम सहकारीले गर्छ । सहकारीको राष्ट्रिय तथा बिश्वब्यापी अवधारणालाई ब्यवहारमा मुर्तरुप दिंदै सदस्यहरुको आर्थिक, सामाजिक, शैक्षिक एवं साँस्कृतिक आकांक्षाहरु तथा अल्पकालिन र दिर्घकालिन वित्तीय तथा गैह्र–वित्तीय उद्देश्यहरु परिपूर्ति गर्नका लागि समावसेबी तथा यस संस्थाका बरिष्ठ सदस्य श्रीमती रसकुमारी गुरुङको नेतृत्वमा स्थापना गरिएको यस दूध पोखरी साकोसले वि.सं. २०६५ बाट वित्तीय कारोबर गर्दै आईरहेको छ । राष्ट्रिय तथा अन्तर्राष्ट्रिय सहकारी मूल्य, मान्यता र सिद्घान्त, स्थानीय, प्रादेशिक तथा संघीय सरकारको सहकारी सम्बन्धी ऐन नियम, विनियम, नीति, बिधि र कार्यबिधि तथा कार्ययोजनाबाट निर्देशित हुँदै आफ्नो सदस्यहरुको आर्थिक, सामाजिक, शैक्षिक र सांस्कृतिक पक्षहरुको प्रगतिमा दूध पोखरी बचत तथा ऋण सहकारी संस्था लि. योगदान गर्दै समाज परिर्वतनको पवित्र कार्यमा सम्पूर्ण सदस्यज्यूहरुको सक्रिय सहयोग र सहभागिताले हाम्रो संस्थालाई समुदायको दिगो विकासको लागि उत्कृष्ठ सहकारी संस्थाको रुपमा विकास गर्न सहयोग पुग्ने विश्वास हामीले लिएका छौं ।