नेपालको संविधानले परिकल्पना गरेअनुरुपका तीन तहका राज्य संरचना मध्ये प्रदेश तहको सुदूरपश्चिम प्रदेशमा पर्ने सामाजिक विकास मन्त्रालय सामाजिक क्षेत्रसंग प्रत्यक्ष एवम परोक्ष सरोकार राख्ने महत्वपूर्ण मन्त्रालय हो । नेपालको संविधानको धारा १६८ मा रहेको प्रदेश मन्त्रिपरिषद्को गठन सम्बन्धी व्यवस्था अनुरुप प्रदेश मन्त्रिहरुका कामकारवाही संचालन गर्न मन्त्रालय गठन हुने क्रममा मिति 2074/10/28 गते यो मन्त्रालय स्थापना भई निरन्तर संचालनमा रहेको छ । यस मन्त्रालयको उद्देश्य प्रदेश भरीका नागरिकहरुको जीवनस्तर सुधार्न, समावेशी समाज निर्माण गर्न र सामाजिक न्याय सुनिश्चित गर्न विभिन्न योजनाहरु र कार्यक्रमहरुको कार्यान्वयन गर्नु हो ।

यस मन्त्रालयका मुख्य क्षेत्रहरूमा शिक्षा, स्वास्थ्य, महिला र बालबालिका कल्याण, सामाजिक सुरक्षा, युवा र खेलकुद, श्रम र रोजगार, साथै भाषा, संस्कृति, साहित्य, ललितकला र पुरातत्व समेटिएका छन्। यी सबै क्षेत्रहरूमा यो मन्त्रालयले समग्र विकासका लागि रणनीतिहरू तयार गरी काम गर्दछ।

सामाजिक विकास मन्त्रालयले प्रदेशका हरेक क्षेत्र र समुदायसँग समन्वय गरी गरीव, दलित, महिला, बालबालिका र अन्य सामाजिक रूपमा पिछडिएका समूहहरूको लागि सेवा र अवसरहरू पुर्याउने काममा प्राथमिकता दिन्छ। यसका साथै, युवा उत्प्रेरणा, खेलकुदको प्रवर्द्धन, र सांस्कृतिक धरोहरको संरक्षणजस्ता अन्य क्षेत्रहरूमा पनि यसले महत्त्वपूर्ण कार्य गर्दै आएको छ।

Other ministries under Sudurpashchim Province

1. Office of the Chief Minister and Council of Ministers, Sudurpashchim
2. Ministry of Industry, Tourism, Forests and Environment, Sudurpashchim
3. Ministry of Economic Affairs, Sudurpashchim
4. Ministry of Land Management, Agriculture and Co-operatives, Sudurapashchim
5. Ministry of Internal Affairs and Law, Sudurpashchim
6. Ministry of Physical Infrastructure Development, Sudurpashchim