सायली गाड डोटी जिल्लाको सायल गाउँपालिकामा अवस्थित एउटा महत्वपूर्ण प्राकृतिक स्रोत हो। यो गाड (नदी) सायल गाउँपालिकाको बिच भाग भएर बग्दछ र यसको माथिल्लो भागमा प्रसिद्ध भेल्छणा झरना रहेको छ। भेल्छणा झरना पर्यटकीय दृष्टिले महत्त्वपूर्ण मानिन्छ । यहाँ नेपाल पर्यटन बोर्डको सहयोगमा पैदल मार्ग निर्माण गरिएको छ, जसले पर्यटकहरूलाई झरनासम्म पुग्न सहज बनाएको छ । हिउँदमा पानीको मात्रा कम हुने भए पनि बर्षायाममा झरना अझ सुन्दर देखिन्छ ।

सायल गाउँपालिका डोटी जिल्लाका सात गाउँपालिकामध्ये एक हो, र यो विभिन्न पर्यटकीय र प्राकृतिक स्थलहरूको लागि परिचित छ। यहाँका नदीहरू, गाडहरू र वनस्पतिहरूले यस क्षेत्रलाई समृद्ध बनाएका छन् । यसले खप्तड राष्ट्रिय निकुञ्ज, आदर्श गाउँपालिका र बझाङ जिल्लासँग सिमाना जोडेको छ, जसले यस क्षेत्रलाई थप आकर्षक बनाएको छ​ ।